திருச்செந்தூர் சுப்பிரமணிய சுவாமி கோவிலில் நேற்றிரவு சுவாமிக்கும், தெய்வானை அம்மனுக்கும் நடைபெற்ற திருக்கல்யாணத்தில் திரளான பக்தர்கள் கலந்து கொண்டு சுவாமி தரிசனம் செய்தனர்.
ராமநாதபுரம் மாவட்டம் ராமேஸ்வரம் ராமநாத சுவாமி திருக்கோவிலில் முருகனுக்கும், வள்ளி, தெய்வானைக்கும் நடைபெற்ற திருக்கல்யாணத்தில் ஏராளமானோர் கலந்து கொண்டு சுவாமி தரிசனம் செய்தனர்.
கந்தசஷ்டி விழாவையொட்டி திருவண்ணாமலை ஸ்ரீ வட வீதி சுப்பிரமணியர் கோவிலில் நடைபெற்ற திருக்கல்யாண வைபவத்தில் திரளான பக்தர்கள் கலந்து கொண்டனர்.
சேலம் மாவட்டம் தலைவாசல் அருகே ஸ்ரீ பாலசுப்ரமணி சுவாமி திருக்கோவிலில் ஸ்ரீ முருகப் பெருமான் - தெய்வானை திருக்கல்யாணம் வெகு விமரிசையாக நடைபெற்றது.
திருவண்ணாமலை மாவட்டம் வந்தவாசி நகரில் உள்ள ஸ்ரீ ஜலகண்டீஸ்வரர் ஆலயத்தில் சண்முகநாதப் பெருமானுக்கு திருக் கல்யாண வைபவம் நிகழ்ச்சி வெகு விமர்சையாக நடைபெற்றது.
தூத்துக்குடி மாவட்டம் கோவில்பட்டி செண்பகவல்லி அம்பாள் மற்றும் சொர்ணமலை கதிர்வேல் முருகன் கோயிலில் நடைபெற்ற திருக்கல்யாண வைபவத்தில் திரளான பக்தர்கள் பங்கேற்றனர்.
அரியலூர் நகரில் உள்ள ஸ்ரீபாலசுப்ரமணியசுவாமி கோவிலில் நடைபெற்ற முருகப்பெருமான் திருக்கல்யாணத்தை அரோகரா கோஷத்துடன் ஆயிரகணக்கான பக்தர்கள் தரிசித்தனர்.