சேலத்தில் ஒரே பைக்கில் 3 பேர் வேகமாக சென்றதை தட்டிக் கேட்ட போலீஸ்காரரை தாக்கிய 4 பேர் சிசிடிவி காட்சிகள் அடிப்படையில் கைது செய்யப்பட்டனர்.
அஸ்தம்பட்டி காவல் நிலையத்தில் காவலராக பணியாற்றும் அசோக், பைக்கில் சாதாரண உடையில் சின்ன திருப்பதி அருகே வந்தார். பைக்கில் 3 பேர் வேகமாக செல்வதை பார்த்த அவர், ஏன் வேகமாக செல்கிறீர்கள் என கேட்டார். ஆத்திரமடைந்த 3 பேரும், மேலும் சிலரும் அசோக்கை தாக்கினர்.
காயமடைந்த அசோக் கோவை கங்கா மருத்துவமனையில் சிகிச்சைக்கு சேர்க்கப்பட்ட நிலையில், அப்துல் ரகுமான், ரிகான் பாஷா, அஸ்லாம் அலி, ரிஸ்வானை கைது செய்து சிறையில் அடைத்த போலீஸார், மேலும் ஒருவரை தேடி வருகின்றனர்.