கடலூர் மாவட்டம் பெண்ணாடம் அருகே மொட்டை மாடியில் பதுங்கி இருந்த திருடனை பிடித்த கிராம இளைஞர்கள் மின்கம்பத்தில் கட்டி வைத்து, தக்க பாடம் புகட்டி, போலீசில் ஒப்படைத்தனர்.
வடகரை கிராமத்தில் இன்று அதிகாலை 2 மணியளவில் மர்ம நபர் ஒருவர் சுற்றி வருவதை அறிந்த ஊர்மக்கள் அவனை பிடிப்பதற்காக காத்திருந்துள்ளனர்.
இதை கவனித்த அந்த மர்ம நபர், அங்குள்ள ஒரு வீட்டின் மாடியில் சென்று பதுங்கியுள்ளான். உடனே கிராம இளைஞர்கள் ஒன்றுகூடி அந்த நபரை பிடித்து மின்கம்பத்தில் கட்டிவைத்து போலீசாருக்கு தகவல் தெரிவித்துள்ளனர்.
விசாரணையில் அந்த மர்ம நபர் சோழநகர் பகுதியை சேரந்த சூரியமூர்த்தி என்பதும், அவன் மீது பல திருட்டு வழக்குகள் இருப்பதும் தெரியவந்துள்ளது.