மதுரையில் இரு சக்கர வாகனத்தில் கள்ள ரூபாய் நோட்டுக்கள் கொண்டு சென்ற 2 பேரை காவல்துறையினர் கைது செய்துள்ளனர்.
மதுரை மாநகர போக்குவரத்து போலீசார் காளவாசல் பகுதியில் வாகன சோதனையில் ஈடுபட்டு கொண்டிருந்த போது அந்த வழியாக இருசக்கர வாகனத்தில் வந்த 2 பேர் வண்டியை நிறுத்தாமல் வேகமாக சென்றனர்.
இதனால் சந்தேகம் அடைந்த போலீசார் அந்த வாகனத்தை துரத்தி சென்று பிடித்து சோதனை போட்டனர். அப்போது அவர்களிடம் 17ஆயிரம் ரூபாய் கள்ள நோட்டுக்கள் இருப்பது தெரிய வந்ததை அடுத்து 2பேரையும் கைது செய்தனர்.