பேருந்து தென்னந்தோப்புக்குள் கவிழ்ந்ததில் பயணிகள் பலர் காயம்..!

கோவை மாவட்டம் பொள்ளாச்சி அருகே அய்யம்பாளையத்தில் அதிவேகத்தில் சென்ற தனியார் பேருந்து ஒன்று சரக்கு ஆட்டோ மீது மோதி தென்னந்தோப்புக்குள் கவிழ்ந்தது.

பொள்ளாச்சி அருகிலுள்ள கோபாலபுரத்திலிருந்து பொள்ளாச்சி நோக்கி சென்ற தனியார் பேருந்து முன்னாள் சென்ற வாகனத்தை முந்திச் செல்ல முயன்றபோது எதிரே வந்த சரக்கு ஆட்டோ மீது மோதியதில் ஆட்டோவிலிருந்த நடராஜன், கிட்டான் இருவரும் சம்பவ இடத்திலேயே உயிரிழந்தனர்.

ஆட்டோ மீது மோதிய வேகத்தில் ஓட்டுனரின் கட்டுப்பாட்டை இழந்த பேருந்து சாலையோரம் இருந்த தென்னந் தோப்பிற்குள் கவிழ்ந்ததில் பேருந்திலிருந்த பயணிகள் பலர் காயமடைந்தனர்.