திமுக ஒன்றிய கவுன்சிலர் ஒருவர் கட்சியின் கொள்கை பாடலை காரில் ஒலிக்கவிட்டபடி ஆட்டம் போட்டு, மது அருந்தி குதூகலித்த காட்சி சமூக வலைதளங்களில் வைரலாகி வருகின்றது.
கடலூர் மாவட்டம் பண்ருட்டி அடுத்த அண்ணாகிராமம் ஒன்றியத்துக்குட்பட்ட மேல்கவரப்பட்டு, 10 வார்டு திமுக ஒன்றிய கவுன்சிலர் குமரகுரு.
இவர் தனது நண்பர்களுடன் திமுக கட்சி கொடி பொருத்திய தனது காரில் பயணம் செய்யும் பொழுது கையில் இரு மதுப்புட்டிகளை ஏந்தியபடி ஆட்டம் போட்டார்
காரில் கட்சியினரை கவர்ந்த திமுகவின் கொள்கை பாடலான விடியல் பாடலை ஒலிக்கவிட்டு குதுகலித்தனர்.
பின்னர் சாலையோரம் காரை நிறுத்தி மது அருந்தியவர்கள் அத்தோடு நிற்காமல் காருக்குள்ளும் மதுக்கோப்பையை ஏந்தியவாறு ஆடியபடியே கார் ஓட்டிச்சென்ற காட்சிகள் சமூக வலைதளங்களில் வைரலாகி வருகின்றது.