திருவள்ளூர் மாவட்டம் ஈக்காடு வி.கே.என்.நகர் முதல் தெருவில் வசித்து வரும் தமிழரசன் மற்றும் அவரது இரு மகன்களுக்கு சொந்தமான பல்சர், பேஷன் ப்ரோ, யமஹா எம் டி15 ஆகிய மூன்று இரு சக்கர வாகனங்களுக்கு மர்ம நபர்கள் தீவைத்து சென்றுள்ளனர்.
இந்த 3 இரு சக்கர வாகனங்களும் தமிழரசனின் வீட்டு வளாகத்தில் நிறுத்தப்பட்டிருந்த நிலையில் , வீட்டில் அனைவரும் தூங்க சென்ற பின்னர் சுவர் ஏறி குதித்த மர்ம நபர்கள் தீவைத்து விட்டு தப்பிச் சென்றதாக புகார் அளிக்கப்பட்டுள்ளது.