மதுரையில் ஒரே தேர்வு மையத்தில் தனது 47 வயது தாயுடன் குரூப் 4 தேர்வெழுதிய மகள்..!

மதுரை மாவட்டம் திருமங்கலம் அருகே, தாயும், மகளும் ஒரே மையத்தில் டி.என்.பி.எஸ்.சி குரூப் 4 தேர்வு எழுதினர்.

என்.ஜி.ஓ நகரைச் சேர்ந்த 47 வயதான வளர்மதி பி.ஏ தமிழ் படித்துள்ளார். இவரது மகள் சத்ய பிரியா நீட் தேர்வுக்கு படித்து 2 முறை தேர்வு எழுதியுள்ளார்.

இந்நிலையில் குரூப் 4 தேர்வு எழுத விரும்பிய வளர்மதி, தன்னுடன் சேர்ந்து தேர்வெழுதுமாறு மகளிடம் கேட்டுக் கொண்டார். 

இருவரும் தேர்வுக்கு விண்ணப்பித்ததை அடுத்து, கள்ளிக்குடி அரசு மேல்நிலைப் பள்ளியில் தேர்வு மையம் ஒதுக்கப்பட்ட நிலையில், இன்று தாயும் மகளும் ஒன்றாக தேர்வு மையத்திற்கு வந்து தேர்வெழுதினர்.