முன்விரோதம் காரணமாக பேராசிரியை அரிவாளால் தாக்க முயன்ற கூலித்தொழிலாளி..!

நாகர்கோவில் அருகே மதுபோதையில் கூலித்தொழிலாளி அரிவாளால் தாக்க முயன்றதில், கல்லூரி பேராசிரியை நூலிழையில் உயிர் தப்பிய வீடியோ இணையத்தில் பரவி வருகிறது.

தெள்ளந்தி பகுதியை சேர்ந்த தனியார் கல்லூரி பேராசிரியை அஜிதாவுக்கும், அவரது வீட்டின் அருகே வசிக்கும் அஜித்துக்கும் இடையே முன்விரோதம் இருந்து வந்த நிலையில், நேற்றிரவு மதுபோதையில் இருந்த அஜித், பேராசிரியை அஜிதாவை அரிவாளால் தாக்க முயன்றார்.

தன்னை தாக்க வந்ததை பார்த்த பேராசிரியை உடனே வீட்டிற்குள் சென்றதால் உயிர் தப்பினார். தலைமறைவான கூலித்தொழிலாளி அஜித் குறித்து போலீசார் விசாரணை நடத்திவருகின்றனர்.