பழைய பிளாஸ்டிக் மற்றும் இரும்பு கிடங்கில் பயங்கர தீ விபத்து.. கட்டுக்கடங்காமல் எரிந்த தீயை போராடி அணைத்த தீயணைப்புத் துறையினர்..!

சென்னை அடுத்த பூந்தமல்லி அருகே பழைய பிளாஸ்டிக் கிடங்கில் ஏற்பட்ட தீ மேலும் 3 குடோன்களுக்கு பரவியதால் அப்பகுதி முழுவதும் கரும்புகை விண்ணை முட்ட எழுந்தது. மலையம்பாக்கம் பகுதியில் அந்த கிடங்கில் இன்று காலை திடீரென தீப்பற்றியதாக கூறப்படுகிறது.

அதில் தீ மளமளவென குடோன் கட்டிடம் முழுவதும் பரவி, கொளுந்துவிட்டு எரிந்ததோடு, அருகில் இருந்த 3 குடோன்களுக்கும் பரவியது. தகவலறிந்து சம்பவ இடத்திற்கு வந்த தீயணைப்பு துறையினர் பல மணி நேர போராட்டத்திற்கு பின் தீயை அணைத்தனர்.உரிய அனுமதி இல்லாமல் குடியிருப்புகளுக்கு மத்தியில் குடோன்கள் செயல்பட்டு வருவதாக அங்குள்ள பொதுமக்கள் குற்றஞ்சாட்டுகின்றனர்.