பெண் பத்திரிகையாளர்கள் குறித்து அவதூறாக கருத்து பதிவிட்ட வழக்கில் நடிகர் எஸ்.வி.சேகர் பதிலளிக்க உத்தரவிட்ட உயர்நீதிமன்றம், சமுதாயத்தில் பொறுப்பான மனிதராக இருந்துகொண்டு இப்படி செய்யலாமா? என கேள்வி எழுப்பியுள்ளது.
சமூக வலைதளங்கில் அவதூறாக கருத்துப் பதிவிட்டதாக, தன் மீது பதிவு செய்யப்பட்ட 4 வழக்குகளை ரத்து செய்யக்கோரி எஸ்.வி.சேகர் வழக்கு தொடர்ந்தார். இதன் விசாரணையில், எஸ்.வி.சேகர் சமூக வலைத்தளங்களில் பதிவிட்ட பதிவுகள் தாக்கல் செய்யப்பட்டன.
தொடர்ந்து அவதூறு கருத்துகள் மறுபதிவிடுவதை எஸ்.வி.சேகர் வாடிக்கையாக கொண்டதாக தாக்கல் செய்யப்பட்ட ஆதாரங்களை பார்த்த உயர்நீதிமன்றம், கடும் அதிருப்தி தெரிவித்தது.