நீலகிரியில் உள்ள லவ்டேல் கிராமத்தில் குடியிருப்புப் பகுதிகளில் உலா வந்த சிறுத்தைப்புலி, இரவில் ஒருவரது வீட்டு மாடியில் ஏறி சென்று முன்வாசல், பின்வாசலில் மோப்பம் பிடித்த காட்சிகள் அங்கிருந்த சிசிடிவி கேமிராவில் பதிவாகி இருந்தது.
நேற்றிரவு ஏதோ சத்தம் கேட்டதுபோல் இருந்ததால் காலையில் வீட்டின் உரிமையாளர் சங்கர், வெளியே பொருத்தப்பட்டிருந்த சிசிடிவி கேமிராவில் பதிவாகி இருந்த காட்சிகளை ஆய்வு செய்தார்.
அப்போது சிறுத்தைப்புலி வந்ததைக் கண்டு அதிர்ச்சியடைந்த அவர், பின்னர் உடனடியாக அது தொடர்பாக வனத்துறைக்கு தெரிவித்துள்ளார். இதையடுத்து சிறுத்தை புலியை வனத்துறையினர் தீவிரமாக கண்காணித்து வருகின்றனர்.