புதிய சாய்பாபா சிலையை உடைத்து தீவைத்து தப்பி சென்ற மர்ம நபர்கள்..

விழுப்புரம் மாவட்டம் ஆரோவில் அருகே, அடுத்த மாதம் கும்பாபிஷேகம் செய்து திறக்கப்பட இருந்த புதிய சாய்பாபா சிலையை மர்ம நபர்கள் உடைத்து எரித்த சம்பவம் அரங்கேறியுள்ளது.

இரும்பை கிராமத்தில் சீரடி சாய்பாபா ஆலயம் கட்டப்பட்டு வரும் நிலையில், ஆலயத்தின் கருவரையில் வைக்க 10 லட்சம் ரூபாய் செலவில் ஜெய்ப்பூரில் இருந்து சாய்பாபா சிலை கொண்டுவரப்பட்டதாக கூறப்படுகிறது.

இந்நிலையில், ஆலயத்துக்குள் நிழைந்த மர்ம நபர்கள் சிலையை உடைத்ததுடன் அதற்கு தீவைத்து விட்டு சென்றதாகவும் சொல்லப்படுகிறது. இந்த சம்பவம் குறித்து ஆலய நிர்வாகி அளித்த புகாரின் பேரில் விசாரணை நடைபெற்று வருகின்றது.