நெல்லை மாவட்டம் களக்காடு அருகே, விலையுயர்ந்த கே.டி.எம்.பைக்கில் வந்து, கோவிலுக்கு நேர்ந்துவிட்ட ஆட்டை திருடிச் சென்ற மர்ம நபர்களின் சிசிடிவி காட்சிகள் வெளியாகியுள்ளன.
கோவிலம்மாள்புரம் கிராமத்தைச் சேர்ந்த சுடலைகண்ணு என்பவர், தனது குல தெய்வத்திற்கு நேர்ந்து விடுவதற்காக கடந்த 3 ஆண்டுகளாக ஆடு ஒன்றை வளர்த்து வந்தார்.
வழக்கம்போல் ஆட்டை வீட்டு வாசலில் கட்டிப்போட்டு விட்டு, சுடலைகண்ணு குடும்பத்தினர் உறங்கச் சென்றுவிட்ட நிலையில், நள்ளிரவில் முகமூடி அணிந்து கையில் சிறிய அரிவாளுடன் கே.டி.எம். பைக்கில் வந்த மர்ம நபர்கள், ஆட்டை தூக்கிச் சென்றனர்.
முகமூடி அணிந்திருந்த மர்ம நபர்களை பார்த்து, ஆடு மிரண்டு போய் அங்கும், இங்கும் துள்ளிய நிலையில், வலுக்கட்டாயமாக தூக்கி பைக்கில் வைத்து கொண்டு சென்றனர்.
இந்த காட்சிகள் வீட்டிலிருந்த சிசிடிவி கேமராவில் பதிவாகி இருந்த நிலையில், அதனை வைத்து களக்காடு போலீசார் விசாரணை நடத்தி வருகின்றனர்.