தமிழ்நாட்டில் ரேசன் கடைகள் இயங்கும் நேரம் மாற்றம்

தமிழ்நாட்டில், ரேசன் கடைகள் செயல்படும் நேரம் மாற்றப்பட்டுள்ளது. இதன்படி ரேஷன் கடைகள், 2 ஷிப்டுகளில் இயங்க உள்ளன.

இதுகுறித்து தமிழ்நாடு அரசின் சார்பில் வெளியிடப்பட்டுள்ள அறிக்கையில், சென்னை மற்றும் புறநகர் பகுதிகளில் காலை 8.30 மணி முதல் பகல் 12.30 மணி வரையிலும், பிற்பகலில் 3 மணி முதல், இரவு 7 மணி வரையிலும் ரேசன் கடைகள் இயங்கும் எனவும், சென்னை தவிர்த்து இதரப் பகுதிகளில், காலை 9 மணி முதல் பகல் 1 மணி வரையிலும், பிற்பகல் 2 மணி முதல் மாலை 6 மணி வரையிலும் ரேசன் கடைகள் இயங்கும் எனவும் குறிப்பிடப்பட்டுள்ளது.

மேலும், குறித்த நேரத்தில் ரேசன் கடைகள் திறந்து செயல்படுகிறதா என்பதை மாவட்ட வழங்கல் அதிகாரிகள் உறுதிப்படுத்த வேண்டும் எனவும் தெரிவிக்கப்பட்டுள்ளது.