தமிழகத்தில் நடைபெற்ற மறு வாக்குப்பதிவு நிறைவு

தமிழ்நாட்டில் 5 வார்டுகளில் உள்ள 7 வாக்குச்சாவடிகளில் மறுவாக்குப்பதிவு அமைதியாக நடைபெற்று முடிந்தது.

சென்னை மாநகராட்சியில் 51ஆவது வார்டு வண்ணாரப்பேட்டையில் உள்ள வாக்குச்சாவடியிலும், 179ஆவது வார்டு பெசன்ட் நகர் ஓடைக்குப்பம் வாக்குச்சாவடியிலும் மறு வாக்குப்பதிவு நடைபெற்றது.

மதுரை திருமங்கலம் நகராட்சியில் உள்ள 17ஆவது வார்டில் மகளிருக்கு மறுவாக்குப்பதிவு நடைபெற்ற நிலையில், 698 பேர் வாக்களித்துள்ளனர்.

அரியலூர் ஜெயங்கொண்டம் நகராட்சியில் உள்ள 16ஆவது வார்டில் 947 பேர் வாக்களித்த நிலையில், 57% பேர் வாக்குப்பதிவு செய்துள்ளதாக தேர்தல் அதிகாரிகள் தெரிவித்துள்ளனர். அதேபோல், திருவண்ணாமலையில் 25ஆவது வார்டிலும் இன்று நடைபெற்ற மறு தேர்தலில் 74 புள்ளி 8 சதவீத பேர் வாக்களித்துள்ளனர்.