காரில் கஞ்சா கடத்த முயன்ற நபரை சினிமா பாணியில் துரத்தி பிடித்த போலீசார்

திண்டுக்கல் மாவட்டம் நத்தம் அருகே வாகன சோதனையின் போது நிற்காமல் வேகமாக சென்ற காரை துரத்திச் சென்று மடக்கிப்பிடித்த தனிப்படை போலீசார் காருக்குள் இருந்த 140 கிலோ கஞ்சாவை பறிமுதல் செய்தனர்.

சமுத்திராப்பட்டி அருகே எஸ்பி சீனிவாசன் தலைமையிலான தனிப்படை போலீசார் வாகன சோதனையில் ஈடுபட்டிருந்த போது, போலீசாரை மீறி அதிவேகமாக நிற்காமல் சென்ற காரை துரத்தி பிடித்த போது அதில் கஞ்சா கடத்தியது தெரியவந்தது.

காரை பறிமுதல் செய்து அதனை ஓட்டிவந்த குணசேகரன் என்பவனை போலீசார் கைது செய்தனர்.