ஒரே சாவியை பயன்படுத்தி 11 இருசக்கர வாகனங்களை திருடிய இருவர் கைது

சென்னையை அடுத்த ஆவடியில், ஒரே சாவியை பயன்படுத்தி 11 இருசக்கரவாகனங்களைத் திருடிய இருவர் கைதுசெய்யப்பட்டனர்.

பாலவேடு பகுதியில் வாகன சோதனையில் ஈடுபட்ட போலீசார், அவ்வழியாக இருசக்கர வாகனத்தில் வந்த இளைஞரை மடக்கி பிடித்து விசாரித்தனர். விசாரணையில், ஒரே சாவியை பயன்படுத்தி 11 இருசக்கர வாகனங்களை திருடி, மெக்கானிக் விற்பனை செய்தது தெரியவந்தது.

இதையடுத்து, வாகனத் திருட்டில் ஈடுபட்ட திருநின்றவூரைச் சேர்ந்த கார்த்திக் மற்றும் பாக்கம் வ.உ.சி பகுதியை சேர்ந்த மெக்கானிக் மணிகண்டனை கைது செய்த போலீசார், அவர்களிடமிருந்து 11 இருசக்கர வாகனங்களை பறிமுதல் செய்தனர்.