கன்னியாகுமரி மாவட்டம் நாகர்கோயில் அருகே வழித்தவறி குடியிருப்பு பகுதிக்குள் வந்த விசித்திர கருங்குரங்கு ஒன்று பொதுமக்களின் நண்பனாக மாறி, இளைஞர்களின் செல்பிக்கு போஸ் கொடுக்கும் வீடியோ வைரலாகி வருகிறது.
பார்வதிபுரம் ஆலம்பாறை கிராமத்துக்கு கடந்த சில மாதங்களுக்கு முன் மலையிலிருந்து வழி தவறி வந்த இந்த கருங்குரங்கு, பொதுமக்களுக்கு தொல்லை கொடுக்காமல் அனைவரிடமும் அன்பாக பழகி வருகிறதாம்.
அப்பகுதி மக்கள் பழம், பிஸ்கட் உள்ளிட்ட உணவு பொருட்களை கொடுத்து அதனை பராமரித்து வருகின்றனர். குரங்கின் வாலைப் பிடித்து இழுத்து இளைஞர்கள் விளையாடும் போதும் அந்த குரங்கு, சாந்தமாக அமர்ந்திருக்கும் வீடியோக்கள் இணையதளத்தில் வைரலாகி வருகிறது.