ஈரோடு மாவட்டத்தில் டிராக்டரில் ஏற்றி வரப்பட்ட மக்காச்சோளத் தட்டை, மின் கம்பி உரசியதால் தீ பற்றி எரிந்தது.
தாளவாடி மலைப்பகுதியில் மக்காச்சோள அறுவடை பணிகள் மும்முரமாக நடைபெற்று வருகின்றன. டிராக்டர் ஒன்றின் டிராலியில் அதிக உயரத்துக்கு குவிக்கப்பட்டிருந்த மக்காச்சோளத் தட்டை மீது தாழ்வாக சென்ற மின் கம்பி உரசியதால் சோளத்தட்டை பற்றி எரியத் தொடங்கியது.
தீ வேகமாக பரவுவதை கண்ட ஓட்டுநர் உடனடியாக டிராக்டருடன் இணைக்கப்பட்டிருந்த டிராலியை கழற்றி விட்டு டிராக்டரை தூரமாக சென்று நிறுத்தினார். இதில் மக்காச்சோளத் தட்டை முற்றிலுமாக எரிந்து நாசமாகின.