பீகாரில் பெண் மருத்துவர் ஒருவர் 5 முறை தடுப்பூசி போட்டுக்கொண்டதாக கூறப்படும் சம்பவம் தொடர்பாக விசாரணைக்கு உத்தரவிடப்பட்டுள்ளது.
அறுவை சிகிச்சை மருத்துவரான விபா குமாரி சிங் என்பவர் 5 முறை தடுப்பூசி செலுத்திக் கொண்டதாக கோவின் இணையதள ஆவண பதிவுகளை ஆய்வு செய்தபோது தெரிய வந்துள்ளது.
ஆனால் இதனை மறுத்துள்ள அந்த மருத்துவர், அரசு அனுமதித்துள்ள பூஸ்டர் டோஸ் வரை 3 தடுப்பூசிகளை ஆதார் கார்டு மூலம் முறையாக போட்டுக்கொண்டதாக தெரிவித்துள்ளார். மற்ற 2 முறை தமது பான் கார்டு தகவல்களை கொண்டு வேறு யாரோ தடுப்பூசி செலுத்திக் கொண்டுள்ளதாகவும், அதுகுறித்து விசாரணை நடத்த வேண்டும் என்றும் விபா குமாரி சிங் கேட்டுக் கொண்டுள்ளார்.