தஞ்சாவூரில் பட்டப்பகலில் வீட்டுக்குள் புகுந்து பணம், தங்க நகைகளை கொள்ளையடித்த அண்ணன், தம்பி கைது.!

தஞ்சாவூர் மாவட்டம் பட்டுக்கோட்டையில், பட்டப்பகலில் உதவி தலைமை ஆசிரியை வீட்டுக்குள் புகுந்து பணம், தங்க நகைகளை கொள்ளையடித்த அண்ணன், தம்பியை போலீசார் கைது செய்தனர்.

கடந்த 23ம் தேதி, தனியார் பள்ளியில் உதவி தலைமை ஆசிரியராக பணியாற்றி வரும் ஸ்ரீ பிரியா என்பவரது வீட்டில் ஆள் இல்லாத நேரம் பார்த்து நோட்டமிட்டு, பூட்டை உடைத்து உள்ளே புகுந்த கொள்ளையர்கள் வீட்டில் இருந்த 40 சவரன் தங்க நகைகள், வெள்ளிப் பொருட்கள், 2 லட்சம் ரூபாய் பணம் உள்ளிட்டவற்றை கொள்ளையடித்துச் சென்றனர்.

இந்த நிலையில், இச்சம்பவத்தில் ஈடுபட்ட இருவர் வாகன தணிக்கையின் போது போலீசாரிடம் சிக்கினர். அவர்களிடம் மேற்கொண்ட விசாரணையில், இவர்களது மற்றொரு சகோதரனுடன் சேர்ந்து கொள்ளையடித்தது தெரியவந்தது.

இதையடுத்து அவர்களிடம் இருந்த பணத்தையும், வெள்ளிப் பொருட்களையும் பறிமுதல் செய்த போலீசார் நகையுடன் மாயமான மற்றொருவனை தேடி வருகின்றனர்.