தமிழ்நாடு - கர்நாடகா எல்லையில் பந்திப்பூர் புலிகள் சரணாலயம் அருகே தங்கும் விடுதியின் ஜன்னலை உடைத்த காட்டு யானை, தலையை உள்ளே நுழைத்து உணவை தேடிய வீடியோ வெளியாகியுள்ளது.
பசியால் உணவு தேடி அலைந்த அந்த காட்டு யானை, தந்தங்களால் விடுதியின் சமையலறை ஜன்னலை உடைத்து தலையை உள்ளே நுழைத்து உணவைத் தேடி அங்கிருந்த பொருட்களை சேதப்படுத்தியுள்ளது.
விடுதியில் இருந்தவர்கள் சத்தம் எழுப்பியும் அங்கிருந்து செல்லாத அந்த யானை, சுமார் அரை மணி நேரம் கழித்து உணவு ஏதும் கிடைக்காததால் அங்கிருந்து சென்றுள்ளது. இதை விடுதியில் தங்கியிருந்த ஒருவர் வீடியோ எடுத்து வெளியிட்டுள்ளார்.