பதுக்கிவைக்கப்பட்டிருந்த ஃபேன்சிரக பட்டாசுகள் வெடித்ததில் கட்டிடம் இடிந்து தரைமட்டம்

சிவகாசியில் சட்டவிரோதமாக பதுக்கிவைக்கப்பட்டிருந்த பேன்சி ரக பட்டாசுகள் வெடித்ததில் கட்டிடம் இடிந்து தரைமட்டமாகியுள்ளது.

சிவகாசி-ஸ்ரீவில்லிபுத்தூர் பிரதான சாலையில் குடியிருப்புகள் அதிகமுள்ள நேரு நகரில் அமைந்துள்ள ராமநாதன் என்பவருக்கு சொந்தமான வீட்டில் நிகழ்ந்துள்ள இந்த வெடிவிபத்தில் வேல்முருகன், மனோஜ் குமார் ஆகிய இருவரும் பலத்த காயமடைந்து மருத்துவமனையில் அனுமதிக்கப்பட்டுள்ளனர்.

மேலும் அங்கிருந்த பஞ்சவர்ணம் , கார்த்தீஸ்வரன், சமீதா ஆகிய மூவரும் காணாததால், கட்டிடத்தில் தொடர்ந்து வெடி வெடித்து கொண்டிருந்தாலும், தீயணைப்புத்துறையினர் தங்களது தேடுதல் பணியை விடாமல் தொடர்ந்து வருகின்றனர்.

வீட்டின் உரிமையாளரான ராமநாதன் தப்பி ஓடியுள்ள நிலையில், வெடிவிபத்து குறித்து காவல்துறையினர் வழக்கு பதிந்து தங்களது விசாரணையை துவக்கியுள்ளனர்.