ஈரோடு மாவட்டம் சத்தியமங்கலம் அருகே, தேசிய நெடுஞ்சாலையில் சென்ற கரும்பு லாரியை தனது குட்டியுடன் வழிமறித்த காட்டுயானை, கரும்புகளை எடுத்து சாப்பிட்ட வீடியோ வெளியாகியுள்ளது.
தாளவாடி மலைப்பகுதியில் இருந்து கரும்பு பாரம் ஏற்றி சென்றுக்கொண்டிந்த லாரியை, காரப்பள்ளம் சோதனைச்சாவடி அருகே யானை ஒன்று அதன் குட்டியுடன் வழிமறித்தது.
அதன் பின் லாரியில் இருந்த சில கரும்புகளை கட்டு கட்டாக தும்பிக்கையால் உருவி சாப்பிட்டது. இதனை அங்கிருந்த சிலர் வீடியோ பதிவு செய்தனர். இதனால் அங்கு போக்குவரத்து பாதிக்கப்பட்டு சாலையின் இருபுறமும் வாகனங்கள் அணிவகுத்து நின்றன.