நாமக்கல் மாவட்டம் பள்ளிபாளையத்தில் சாலை வளைவில் முன்னால் சென்ற வாகனத்தை முந்தி செல்ல முயன்ற பைக்,எதிரே வந்த பேருந்து மீது மோதிய விபத்தின் சிசிடிவி காட்சிகள் வெளியாகியுள்ளன.
ஈரோட்டை சேர்ந்த சபியுள்ளா, திருச்செங்கோடு நோக்கி பள்ளிபாளையம் வழியாக இருசக்கர வாகனத்தில் சென்றுக்கொண்டிருந்தார். அப்போது அலமேடு பகுதியில், சாலை வளைவில் சரக்கு வாகனத்தை வேகமாக முந்தி செல்ல முயன்றார். அப்போது எதிரே வந்த பேருந்து மோதியதில், தூக்கி வீசப்பட்ட சபியுள்ளா சம்பவ இடத்திலேயே உயிரிழந்தார்.
இந்த விபத்து தொடர்பான காட்சிகள் பேருந்தின் முன்பக்கம் பொருத்தப்பட்டிருந்த சிசிடிவி கேமராவில் பதிவாகியுள்ளது.