கள்ளக்குறிச்சி மாவட்டம் சின்ன சேலம் பைபாஸ் சாலையில் கார் மீது அரசு பேருந்து மோதி 2 பேர் பலியாக காரணமான விபத்தின் பதற வைக்கும் சிசிடிவி காட்சிகள் வெளியாகியுள்ளது.
சேலத்தில் இருந்து சென்னை நோக்கி அரசுப்பேருந்தை ஓட்டுனர் ஐயப்பன் என்பவர் ஓட்டி வந்தார். சின்ன சேலம் பைபாஸ் சாலையில் பாச பறவை எனும் ஓட்டல் அருகே ஒரு வளைவிற்கு முன்னால் திடீரென பேருந்து இடதுபுறமாக திரும்பி எதிரே வந்து கொண்டிருந்த கார் மீது வேகமாக மோதி பள்ளத்தில் இறங்கியது.
இந்த விபத்தில் கார் ஓட்டுனர் முருகன் மற்றும் காரில் பயணித்த பயிற்சி இசை அமைப்பாளர் ஆசிக் ஆகியோர் உடல் நசுங்கி சம்பவ இடத்திலேயே பலியாகினர்.
அரசுப் பேருந்து ஓட்டுனர் தூக்க கலக்கத்தில் பேருந்தை இயக்கியதே விபத்திற்கு காரணம் என்று கூறப்படுகிறது. அவர் மீது வழக்குப் பதிவு செய்யப்பட்டு விசாரணை நடைபெற்று வருகிறது.