அதிமுக-திமுகவினர் இடையே மோதல்; வேன் எரிப்பு

தூத்துக்குடி மாவட்டம் விளாத்திகுளத்தில் தனியார் வேனுக்கு தீ வைத்த விவகாரத்தில் திமுக ஊராட்சி மன்ற தலைவரை போலீசார் கைது செய்துள்ளனர்.

ஜெகவீரபுரத்தை சேர்ந்த அதிமுக பிரமுகரின் உறவினரான தாஸ், அதிமுக வேட்பாளரின் பிரச்சாரங்களுக்கு வேன் அனுப்பி வந்துள்ளார். இதனிடையே அதிமுக-திமுகவினர் இடையே ஏற்பட்ட மோதலில் 4 பேர் கொண்ட கும்பல் தாசை தாக்கிவிட்டு அவரது 3 வேனுக்கு தீ வைத்து தப்பி சென்றுள்ளனர்.

இதில் காயமடைந்த தாஸ் மருத்துவமனையில் சிகிச்சை பெற்று வரும் நிலையில் இதுதொடர்பாக விசாரணை நடத்திய காவல்துறை, ஜெகவீரபுரம் திமுக ஊராட்சி மன்ற தலைவர் அழகு பாண்டியனை கைது செய்தனர்.