வளிமண்டலத்தில் நிலவும் சுழற்சி காரணமாக, தென் தமிழக மாவட்டங்களில் 5 நாட்களுக்கு லேசான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.
இது குறித்த செய்திக்குறிப்பில், இலங்கைக்கு தென் கிழக்கே வளிமண்டல சுழற்சி நிலவுவதாக கூறப்பட்டுள்ளது. இதன் காரணமாக, குமரி, நெல்லை, தூத்துக்குடி உள்ளிட்ட தென் மாவட்டங்களில் 5 நாட்களுக்கு லேசான மழை பெய்யக்கூடும்.
ஏனைய மாவட்டங்களில் பெரும்பாலும் வறண்ட வானிலையே நிலவும் என கூறப்பட்டுள்ளது. சென்னையில் 2 நாட்களுகு வானம் மேகமூட்டமின்றி தெளிவாக காணப்படும்.
தென்மேற்கு வங்கக்கடல் பகுதிகளில் மணிக்கு 50 கிலோமீட்டர் வரை இடிமின்னலுடன் கூடிய சூறாவளி காற்று வீசக்கூடும் என்பதால் மீனவர்கள் அந்த பகுதிக்கு செல்லவேண்டாம் என எச்சரிக்கை விடுக்கப்பட்டுள்ளது.