திருச்சி அரசு பொறியியல் கல்லூரியில் பேராசிரியர் மற்றும் மாணவர்கள் உள்ளிட்ட 15 பேருக்கு கொரோனா தொற்று உறுதியாகியுள்ளது.
தமிழகத்தில் மீண்டும் கொரோனா பரவல் அதிகரித்துவரும் சூழலில், மருத்துவ கல்வி இயக்குனர் நாராயணபாபு, திருச்சி அரசு தலைமை மருத்துவமனை டீன் மற்றும் மருத்துவர்களுடன் ஆலோசனை மேற்கொண்டார்.
தொடர்ந்து செய்தியாளர்களிடம் பேசிய அவர், திருச்சி அரசு தலைமை மருத்துவமனையில் தினமும் 200 முதல் 250 பேருக்கு கொரோனா தடுப்பூசி போடப்பட்டுவருவதாகவும், சேதுராப்பட்டி அரசு பொறியியல் கல்லூரியில் பயிலும் 14 மாணவர்கள் மற்றும் ஒரு ஆசிரியருக்கு தொற்று உறுதி செய்யப்பட்டுள்ளதாகவும் தெரிவித்தார்.