வீட்டுக்கு முன்பிருந்த கருப்பசாமி கோயிலை இடித்து சேதப்படுத்தியதாக நடிகர் விமல் மீது புகார்

கோயிலை இடித்து சேதப்படுத்தியதாக நடிகர் விமல் மீது திருச்சி மாவட்டம் புத்தாநத்தம் காவல் நிலையத்தில் புகார் அளிக்கப்பட்டுள்ளது.

பன்னாங்கொம்பு தெற்கு மந்தை என்னும் இடத்தில் நடிகர் விமலின் வீட்டுக்கு முன்பிருந்த காலி இடத்தில் அப்பகுதியை சேர்ந்த பொதுமக்கள் கருப்பசாமிக்கு கோயில் கட்டி வழிபட்டு வந்துள்ளனர்.

இதற்கு எதிர்ப்பு தெரிவித்த நடிகர் விமலும், அவரது உறவினர்களும், ஜேசிபி எந்திரம் மூலம் கோயிலை இடித்துச் சேதப்படுத்தியதாக கூறப்படுகிறது.

இதேபோன்று, கடந்த 13-ம் தேதியும் கோயிலில் இருந்த வேல் உள்ளிட்ட பொருட்களை நடிகர் விமல் தரப்பினர் எடுத்துச் சென்றதாகவும் சொல்லப்படுகிறது. இது குறித்து போலீசார் விசாரணை நடத்தி வருகின்றனர்.