எம்ஜிஆர் பிறந்த நாளையொட்டிச் சென்னை அதிமுக தலைமையகத்தில் அவரது உருவச் சிலைக்கு முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம் ஆகியோர் மாலை அணிவித்து மரியாதை செலுத்தியதுடன், கட்சி நிர்வாகிகளுக்கு இனிப்புகளை வழங்கினர்.
ஏழை எளியோருக்கு அன்னதானம் வழங்குவதையும் முதலமைச்சர் எடப்பாடி பழனிசாமி தொடங்கி வைத்தார். முன்னதாக, முதலமைச்சர் தனது முகாம் அலுவலகத்திலும் எம்ஜிஆர் உருவப்படத்துக்கு மலர்தூவி மரியாதை செலுத்தினார்.
சென்னை கிண்டியில் தமிழ்நாடு மருத்துவப் பல்கலைக் கழகத்தில் எம்.ஜி.ஆர் உருவப்படத்துக்கு முதலமைச்சரும் துணை முதலமைச்சரும் மலர் தூவி மரியாதை செலுத்தினர். இந்நிகழ்ச்சியில் அமைச்சர்கள், மருத்துவப் பல்கலை. துணைவேந்தர் சுதா சேஷய்யன் உள்ளிட்டோர் கலந்து கொண்டனர்.