நாகை மாவட்டம் வேளாங்கண்ணி அருகே கனமழையால் அறுவடைக்கு தயாராக இருந்த 10 ஆயிரம் ஏக்கர் நெற்பயிர்கள் அழுகி நாசம் அடைந்துள்ளன.
குறிச்சி கிராமத்தில் 1009 ,38, பிபிடி உள்ளிட்ட ரக நெற்பயிர்கள், அடுத்த 10 தினங்களில் அறுவடைக்கு தயாராக இருந்தன. இந்த நிலையில் அங்கு பெய்த தொடர் கனமழையால் பயிர்கள் அனைத்தும் நீரில் மூழ்கி சாய்ந்து, அழுகி நாசமாகியுள்ளது.
இதனால், கவலை அடைந்துள்ள விவசாயிகள், நெற்பயிர்கள் வீணாகியதால் பெருத்த நஷ்டம் ஏற்பட்டுள்ளதாகவும், அரசு பாதிக்கப்பட்ட பயிர்களை பார்வையிட்டு முழுமையான நிவாரணம் வழங்க வேண்டும் என்றும் கோரிக்கை விடுத்துள்ளனர்.