ஸ்ரீரங்கம் கோவில் யானை ஆண்டாள் புகைப்படம் எடுப்பதால் கூச்சம் கொண்டு புகார் தெரிவித்த காட்சிகள் வெளியாகி உள்ளன.
ரங்கநாதர் கோவில் யானையான ஆண்டாள், அதன் பாகனுடன் நெருக்கமான நட்பு பாராட்டி வருகிறது. இந்நிலையில் கோவிலுக்கு வரும் பக்தர்கள் சிலர் செல்போனில் படம் எடுப்பதை கண்ட யானை, கூச்சத்துடன் பாகனிடம் முறையிட்ட காட்சிகள் வெளியாகி உள்ளன.
புகைப்படம் எடுக்கிறார்களா என்ற பாகன் கேட்க ஆமாம் என்பது போல, ஆண்டாள் குரல் எழுப்புகிறது. யானையை மெல்ல சாமாதானப்படுத்தும் பாகன், புகைப்படம் எடுக்க அனுமதிக்கலாமா என கேட்க பிறகு குழந்தை போல தலையை ஆட்டி சம்மதிக்கிறது ஆண்டாள்.
பிரமாண்ட குழந்தை போல இருக்கும் யானையின் செயலும், பாகனுடன் அது காட்டும் அன்பும் பார்ப்போரை நெகழ்ச்சியில் ஆழ்த்துகிறது.