தமிழகத்தில் புரெவி புயலால் ஏற்பட்ட சேதங்களை மதிப்பிட அதிகாரிகள் குழுவை அமைத்துள்ளது மத்திய அரசு

தமிழகத்தில் புரெவி புயலால் ஏற்பட்ட சேதங்களை பார்வையிட்டு ஆய்வு செய்ய அதிகாரிகள் குழுவை மத்திய அரசு அமைத்துள்ளது.

இதுகுறித்து மத்திய உள்துறை அமைச்சகம் விடுத்துள்ள செய்தி குறிப்பில் தமிழகத்தில் புரெவி புயலால் ஏற்பட்ட சேதங்களை பார்வையிட்டு மதிப்பிட பல்துறை அமைச்சக அதிகாரிகளை கொண்ட குழு அமைக்கப்பட்டுள்ளதாக கூறப்பட்டுள்ளது.

இணை செயலாளர் தலைமையிலான இந்த குழு விரைவில் தமிழகத்திற்கு சென்று சேதங்களை பார்வையிட்டு, அறிக்கை தாக்கல் செய்யுமென குறிப்பிடப்பட்டுள்ளது. புரெவி புயலால் கடந்த 4 மற்றும் 5 ஆம் தேதிகளில் தமிழகத்தில் பல மாவட்டங்களில் கனமழை பெய்து சேதம் ஏற்பட்ட நிலையில் மத்திய குழு அமைக்கப்பட்டுள்ளது.