சட்டப் பேரவைத் தேர்தல் தொடர்பாக, அதிமுக சார்பில் முக்கிய ஆலோசனை கூட்டம் இன்று மாலை நடைபெறுகிறது.
சென்னையில் உள்ள அதிமுக தலைமை அலுவலகத்தில் மாலை 4.30 மணிக்கு ஆலோசனைக் கூட்டம் தொடங்கவுள்ளது. அதிமுக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளரும் முதலமைச்சருமான எடப்பாடி பழனிசாமி ஆகியோர் தலைமையில் இக்கூட்டம் நடைபெற உள்ளது.
சட்டப் பேரவைத் தேர்தலை எதிர்கொள்ள ஏற்கெனவே மண்டலப் பொறுப்பாளர்கள் நியமிக்கப்பட்டுள்ளனர். அவர்களுடன், மாவட்டச் செயலாளர்கள், அமைச்சர்கள் உள்ளிட்டோரும் ஆலோசனைக் கூட்டத்தில் பங்கேற்க உள்ளனர்.
இந்த கூட்டத்தில் சட்டப்பேரவை தேர்தலை எவ்வாறு எதிர்கொள்வது. பிரச்சார வியூகம் உள்ளிட்ட அம்சங்கள் குறித்து விவாதிக்கப்படலாம் என்று எதிர்பார்க்கப்படுகிறது.