தமிழகத்தில் நாளை வரை மழைக்கு வாய்ப்பில்லை- சென்னை வானிலை ஆய்வு மையம் தகவல்

தமிழகத்தில் நாளை வரை மழைக்கு வாய்ப்பு இல்லை என்று சென்னை வானிலை ஆய்வு மையம் கூறியுள்ளது.

இதுகுறித்து அந்த மையம் விடுத்துள்ள செய்தி குறிப்பில், தமிழகத்தில் நாளை வரை வறண்ட வானிலையே நிலவுமென கூறப்பட்டுள்ளது. சென்னை நகரை பொறுத்த வரை நாளை வானம் மேகமூட்டத்துடன் காணப்படும் என்றும் அதிகப்பட்சமாக 87.8 டிகிரி பாரன்ஹீட் அளவிற்கும், குறைந்த பட்சமாக 71.6 டிகிரி பாரன்ஹீட் அளவிற்கும் வெப்பநிலை இருக்குமென தெரிவிக்கப்பட்டுள்ளது.