சிதம்பரத்தில் வெள்ளத்தில் சிக்கி தவித்த குடும்பத்தினரை மீட்பு குழுவினர் படகு மூலம் மீட்பு

கடலூர் மாவட்டம் சிதம்பரத்தில் வெள்ளத்தில் சிக்கிக் கொண்ட குடும்பத்தினரை மீட்பு குழுவினர் படகு மூலம் மீட்டனர்.

தில்லை காளியம்மன் கோயில் தெருவில் வெள்ளம் சூழ்ந்த நிலையில், அங்குள்ள ஒரு வீட்டில் முதல் தளத்தில் தங்கியிருந்த குடும்பத்தினர், கையிருப்பில் இருந்த அத்தியாவசிய பொருட்களை வைத்து 4 நாட்களாக சமாளித்து வந்துள்ளனர்.

தொடர்ந்து, மழை பெய்ததாலும், மின் விநியோகம் இல்லாமல், அத்தியாவசிய பொருட்களும் தீர்ந்து விட்ட நிலையில், செய்வதறியாமல் சிதம்பரம் காவல் நிலையத்திற்கு செல்போன் மூலம் தகவல் அளித்துள்ளனர்.

பேரிடர் மீட்பு குழுவினருடன் போலீசாரும் ரப்பர் படகில் சென்று அவர்களை மீட்டனர். தங்களை மீட்டுக்கொண்டு வந்த போலீசார், மீட்பு குழுவினருக்கு அந்த குடும்பத்தினர் மகிழ்ச்சி பொங்க நன்றி தெரிவித்தனர்