தமிழகத்தில் வருகிற திங்கட்கிழமை முதல், கல்லூரிகள் உள்ளிட்ட உயர்கல்வி நிறுவனங்களை திறக்கப்படும் நிலையில், அதற்கான வழிகாட்டு நெறிமுறைகளை அரசு வெளியிட்டு உள்ளது.
கல்லூரிகளில் ஆசிரியர்கள், மாணவர்களுக்கு தேவையான பாதுகாப்பு முன்னெச்சரிக்கை நடவடிக்கைகளை எடுக்க வேண்டும் என்று கல்லூரி, நிர்வாகங்களை கேட்டுக் கொண்டுள்ளது. வாரத்தில் 6 நாட்கள் கல்லூரிகள் செயல்படும் என்றும், தொற்று அறிகுறிகள் இருந்தால் மாணவர்களை அனுமதிக்க கூடாது என்றும், தெரிவிக்கப்பட்டுள்ளது.
கொரோனா கட்டுப்பாட்டு பகுதியில் இருந்து வரும் மாணவர்களை கல்லூரிகளில் அனுமதிக்கக் கூடாது என உத்தரவிட்டு உள்ள தமிழக அரசு, கல்லூரி விடுதிகளில் ஒரு அறைக்கு ஒரு மாணவர் மட்டுமே தங்க வேண்டும் என்ற கட்டுப்பாட்டையும் விதித்துள்ளது.