தீபாவளியன்று சுற்றுச்சூழலுக்கு மாசு ஏற்படுத்தாத பட்டாசுகளை வெடிக்க தமிழ்நாடு மாசுக் கட்டுப்பாட்டு வாரியம் வேண்டுகோள்

தீபாவளியன்று அதிக ஒலி எழுப்பும், தொடர்ச்சியாக வெடிக்கக் கூடிய சரவெடிகளை தவிர்க்குமாறு தமிழ்நாடு மாசுக் கட்டுப்பாட்டு வாரியம் அறிவுறுத்தியுள்ளது.

தீபாவளியன்று காலை 6 மணி முதல் 7 மணி வரையும், இரவு 7 மணி முதல் 8 மணி வரையும் மட்டுமே பட்டாசுகளை வெடிக்க வேண்டும். மாவட்ட நிர்வாகம், உள்ளாட்சி அமைப்புகளின் முன்அனுமதியைப் பெற்று பொதுமக்கள் திறந்த வெளியில் ஒன்றுகூடி பட்டாசுகளை வெடிக்கலாம்.

மருத்துவமனைகள், வழிபாட்டுத் தலங்கள் மற்றும் அமைதி காக்கப்படும் இடங்களில் பட்டாசுகள் வெடிப்பதை தவிர்க்க வேண்டும்.