விருதுநகர் மாவட்டம் அருப்புக்கோட்டையில் கடை திறப்பு விழா சலுகையாக 10 ரூபாய்க்கு சிக்கன் பிரியாணி விற்பனை செய்து கட்டுக்கடங்காத கூட்டம் சேர்த்த கடை உரிமையாளர் மீது தொற்று நோய் பரப்புதல் உள்ளிட்ட 3 பிரிவுகளின் கீழ் வழக்குப் பதியப்பட்டுள்ளது.
திருச்சுழி சாலையில் புதிதாக திறக்கப்பட்ட பிரியாணி கடையில் 10 ரூபாய் நாணயம் கொண்டு வருபவர்களுக்கு சிக்கன் பிரியாணி வழங்கப்பட்டது.
கொரோனாவை மறந்து, 10 ரூபாய் நாணயத்துடன் ஆயிரக்கணக்கானோர் கடை முன்பு திரண்டதால் தள்ளுமுள்ளு ஏற்பட்டது.
பிரியாணிக்காக தனிநபர் இடைவெளியை காற்றில் பறக்கவிட்டு முண்டியடித்த கூட்டத்தை போலீசார் விரட்டியடித்து கலைத்தனர். மேலும், பிரியாணி அண்டாக்களை முதியோர் இல்லத்திற்கு அனுப்பி வைத்தனர்.