தமிழகத்தில் மேலும் 5337 பேருக்கு கொரோனா வைரஸ் தொற்று உறுதி செய்யப்பட்டுள்ளதாக சுகாதாரத்துறை அறிவித்துள்ளது.
நோய் தொற்றால் பாதிக்கப்பட்டவர்களில் ஒரே நாளில் 76 பேர் உயிரிழந்ததால், பலி எண்ணிக்கை 9 ஆயிரத்தை நெருங்கி இருக்கிறது. வைரஸ் தொற்றில் இருந்து மேலும் 5 ஆயிரத்து 406 பேர் குணமடைந்திருப்பதால், இதுவரை மீண்டவர்களின் எண்ணிக்கை 5 லட்சத்தை எட்ட இருக்கிறது.
சென்னையில் புதிதாக 989 பேருக்கு நோய் தொற்று கண்டறியப்பட்டுள்ளது. கோவையில் 595 பேருக்கும், திருப்பூரில் 368 பேருக்கும் வைரஸ் தொற்று உறுதி செய்யப்பட்டுள்ளது.
மாநிலம் முழுவதும் மொத்தம் 46 ஆயிரத்து 350 பேர் சிகிச்சை பெற்று வருகின்றனர்.