12ஆம் வகுப்பை முடித்து கல்லூரிகளில் சேரும் முனைப்பில் ஈடுபட்டுள்ள மாணவர்கள் பிற மாவட்டங்கள் செல்ல வசதியாக இ-பாஸ் வழங்க நடவடிக்கை எடுக்க வேண்டும் என கோரிக்கை எழுந்துள்ளது.
ஒரு கல்லூரியை தேர்ந்தெடுப்பதற்கு முன் நேரில் சென்று அக்கல்லூரி குறித்து விசாரித்து அதன் பின்பு கல்லூரிகளில் சேருவது வழக்கமாக இருந்து வரும் சூழ்நிலையில், தற்போது மாவட்டம் விட்டு மாவட்டம் செல்ல இ- பாஸ் பெற்று செல்ல வேண்டிய நிலை உள்ளது.
அதனால் மாணவர்கள் கல்லூரியை நேரில் சென்று பார்த்து வருவதற்கு இ-பாஸ் பெறுவது தற்போது பெரும் சவாலாக உள்ளது. இதனால் தமிழக அரசு உடனடியாக இதற்கென சிறப்பு ஏற்பாடுகள் செய்ய வேண்டும் என மாணவர்கள் மற்றும் பெற்றோர் தரப்பில் இருந்து கோரிக்கை எழுந்துள்ளது.