அனைத்து செமஸ்டர் தேர்வுகளும் அடுத்த கல்வி ஆண்டுக்கு ஒத்திவைப்பு - உயர்கல்வித் துறை

ஊரடங்கால் கல்லூரிகளுக்கு விடப்பட்டுள்ள விடுமுறையால் நடத்தப்படாமல் இருக்கும் செமஸ்டர் தேர்வுகள், அடுத்த பருவ செமஸ்டரின் தொடக்கத்தில் நடத்தப்படும் என்று உயர்கல்வித் துறை அறிவித்துள்ளது.

கொரோனா பரவலை கட்டுப்படுத்தும் வகையில் தமிழ்நாட்டில் 144 தடை அமல்படுத்தப்பட்டுள்ளது. இதன் காரணமாக கல்லூரிகளுக்கு கடந்த மாதம் 17ம் தேதி முதல் விடுமுறை விடப்பட்டுள்ளது.

விடுமுறை முடிந்து  எப்போது கல்லூரிகள் திறக்கப்படும் என்பது தெரியாததால்,  செமஸ்டர் தேர்வுகள் நடைபெறுமா என கேள்வியெழுந்துள்ளது.

இந்நிலையில், உயர்கல்வித் துறை வெளியிட்டுள்ள அறிவிப்பில், அனைத்து செமஸ்டர் தேர்வுகளும் மீண்டும் கல்லூரிகள் தொடங்கும் அடுத்த பருவ செமஸ்டரின் தொடக்கத்தில் நடத்தப்படும் என உயர்கல்வித்துறை கூறியுள்ளது.