சமையல் எரிவாயு விலை குறைந்தது

சென்னையில் மானியம் இல்லாத வீட்டுப் பயன்பாட்டு சமையல் எரிவாயு உருளையின் விலை 64 ரூபாய் குறைந்துள்ளது.

14 புள்ளி 2 கிலோ எரிவாயு அடங்கிய சமையல் எரிவாயு உருளை ஓர் ஆண்டுக்கு 12 எண்ணிக்கை வரை மானியத்துடன் வழங்கப்படுகிறது.

சென்னையில் மானியம் இல்லாத சமையல் எரிவாயு உருளை விலை கடந்த மாதம் 826 ரூபாயாக இருந்தது. பன்னாட்டுச் சந்தையில் கச்சா எண்ணெய் விலை வீழ்ச்சியடைந்து ஒரு பீப்பாய் 20 டாலராக உள்ளது.

சந்தை நிலவரப்படி எண்ணெய் நிறுவனங்கள் மாதந்தோறும் சமையல் எரிவாயு விலையை மாற்றியமைக்கின்றன.

இதனால் சென்னையில் மானியம் இல்லாத வீட்டுப் பயன்பாட்டு சமையல் எரிவாயு உருளையின் விலை கடந்த மாதத்தை விட 64 ரூபாய் 50 காசுகள் குறைக்கப்பட்டு 761 ரூபாய் 50 காசுகளாக உள்ளது.