இரவுக் காவலாளியின் தலையில் கல்லைப் போட்டு கொலை செய்ய நடந்த முயற்சி

திருச்சியில் வணிக வளாகம் ஒன்றில் இரவுக் காவலாளியின் தலையில் மர்ம நபர் கல்லைப் போட்டு கொலை செய்ய முயற்சித்த சிசிடிவி காட்சிகள் வெளியாகியுள்ளன.

திருச்சி ஒத்தக்கடையிலுள்ள அந்த வணிக வளாகத்தில் இரவுக் காவலாளியாக பொன்மலையைச் சேர்ந்த செந்தில்குமார் என்பவர் பணியாற்றி வருகிறார். கடந்த 3ஆம் தேதி நள்ளிரவு வணிக வளாகத்தில் தூங்கிக் கொண்டிருந்த அவரது தலையில் மர்ம நபர் ஒருவன் கல்லைப் போட்டு கொலை செய்ய முயன்றுள்ளான். இரண்டு மூன்று முறை கல்லை மீண்டும் மீண்டும் தூக்கிப் போட்டு அவன் கொலை செய்ய முயற்சிக்கும் சிசிடிவி காட்சிகள் வெளியாகியுள்ளன.

இந்த கொலை முயற்சியில் மயக்கமடைந்த செந்தில்குமாரின் செல்போனையும் சட்டைப்பையில் இருந்த பணத்தையும் அந்த நபர், திருடிச் சென்றுள்ளான். இந்த நிலையில் புதுக்கோட்டை மாவட்டம் கறம்பக்குடியில் வைத்து அந்த சைக்கோ நபரை போலீசார் கைது செய்துள்ளதாக தகவல் வெளியாகியுள்ளது.