திருச்சி விமான நிலையத்தில் 27 லட்சம் ரூபாய் மதிப்புள்ள கடத்தல் தங்கம் பறிமுதல் செய்யப்பட்டது.
சிங்கப்பூரிலிருந்து திருச்சி வந்த டைகர் ஏர்லைன்ஸ் விமான பயணிகளின் உடைமைகளை திருச்சி விமான நிலைய வான் நுண்ணறிவு பிரிவு சுங்கத்துறை அதிகாரிகள் சோதனை செய்தனர். அப்போது புதுக்கோட்டையைச் சேர்ந்த குமார் என்பவர் 9 லட்சம் ரூபாய் மதிப்பிலான 240 கிராம் தங்கத்தையும், புதுச்சேரியைச் சேர்ந்த முகிலன் என்பவர் 18 லட்சம் ரூபாய் மதிப்பிலான 450 கிராம் தங்கத்தையும் கடத்தி வந்தது தெரிய வந்தது. இதனை அடுத்து தங்கத்தை பறிமுதல் செய்த சுங்கத்துறை அதிகாரிகள் அவர்களிடம் விசாரணை செய்து வருகின்றனர்.